Deh damn Guyanese passport can't be renewed.... nah .... it old old and a gotta get a new one - 2 damn months deh sey and you know ay don' have no 2 months so it look as if ah gon' have to go down deh and try a ting. But so it guh. Deh day wasn't so bad but it col' col' col. Yes, ay eventually found deh mittens - laud but deh ugly eh and ah still gotta put meh hands in meh pockets. Memories come back like flies today. Is love douh.... Ah love... After deh embassy run and ah fin' nuff Guyanese up deh so ah soak up deh Guyanese accent lill' bit and den deh woman send me away wid forms and "2 months and $100." Came home to deh apartment did a little email ting and den went to the grocery store with Michael. As ah stan' up by deh fish ah remember goin' to Boarda market wid Granny and gettin' light headed near deh smoke fish in dat heat. But, no matter deh smell, ah was eyein' up all deh nice nice lookin' people who willin' to smile wid me.
Michael was deh joke doug. Ah freezin' as we walk deh 5 blocks to deh apartment and he stop to buy deh Christmas tree for he and Julio and wan' fuh kno' if ah ain't want a picture hauling deh "green" load. Deh man mad cause ah walkin' so fas' it like joggin' Deh cold mek meh really wonder if ay able to stan' deh cold again. Ah willin' doug cause ay ain't able wid too much more of "pretty" Santa Barbara and dey ways. Deh niceness killin' meh.
Ah had big big plans fuh deh gym today. But it nah happenin' Ay inside an' warm.
Tomorrow ah meetin' Audrey and deh plan is to walk deh Brooklyn Bridge.
No comments:
Post a Comment