Who's innocent - mouth open story jump out

Yes, I'm a comebackie I agree - bin livin' out deh country
who is me to say ay kno' wuh happenin'

So ah sit back
ah listenin' and ah hearin'

at times ah even eavesdroppin'
an' here's dis ting

deh talkin' how dem people
ain't got no behavin'
deh trowin' deh garbage
in deh trench
an' deh stench... eh

Well, I'm thinking
who are the people bringing
and selling
to the very people they cursing
the styrofoam and plastic
that killing the planet.

So, deh woman in Lethem tell meh
how she tek a job
sche work hard hard hard
open close open close
stay late late late
an' deh missus
geh sche $20 fuh 2 weeks
deh woman sey
sche shoulda teef up all deh tings
Imagin' dat $20 dolla fuh TWO WEEKS

Now, hear this
all this story about class
who better than who
and here is this story
of have to have not
making sure that have not
have nothing
but complaining about what stinking
You tell me
don't you smell a rotten something!

Well, anodda day anodda dolla
ah in deh taxi ridin'
to deh cemetary
an' listenin' to deh man
sey somethin' interestin'

on deh side
ay already like dis man
cause like me
he read Mittleholzer
My Bones and My Flute
an' he love him

But back to deh interestin' sometin'
deh man was sayin'

Ay see a buildin'
down deh by Lodge
as we drivin'
an ay mention
'bout how dis happen'
nuff nuff of dese places
lookin' gutted
grass growin'
up and down deh poles
an deh man sey sometin'
ay hadn't been tinkin'

But, when ay hear dis story
ay had to ask myself
is who innocent?

He sey
you kno' how much houses
like dis
people overseas
left land
nah sell it
nah clean it
an' nah live in it.